(روزنامہ قدس ۔آن لائن خبر رساں ادارہ) قابض ریاست کے ساتھ دوستانہ تعلقات کیلئے آئندہ ہفتے عمان میں ہونے والے ورک شاپ پر عرب ممالک اور عالم اسلام کی طرف سے شدید رد عمل سامنے آیا ہے۔
24 فروری 2020ء کو اردن کی میزبانی میں اسرائیل کے ساتھ دوستی کےلیے ‘مڈل ایسٹ ویژن 2030’ کے عنوان سے منعقد ہونے والی کانفرنس کے اعلان کے بعد 10 ممالک کی تنظیموں کی طرف سے جاری کردہ بیانات میں اسرائیل کے ساتھ دوستانہ تعلقات کے قیام کے لیے کانفرنس کا انعقاد فلسطینی قوم کے حقوق پامال کرنے والوں کی مدد کے مترادف ہے۔
‘مڈل ایسٹ ویژن 2030’ کے عنوان سے منعقد ہونے والی کانفرنس میں یورپی یونین، اردن، مصر، فسلطین، شام، لبنان اور اسرائیلی ریاست کی این جی اوز شرکت کر رہی ہیں۔اس کانفرنس کے خلاف اسرائیل مخالف عالمی سفراء پروگرام، صہیونیت مخالف اور مزاحمت کی حامی قوتوں، عالمی لیبر فورم، القدس یکجہتی فورم، لبنان لیبر یونین، مرکزفلسطین برائے مخالفت اسرائیل، اردن کی اسلامک ایکشن فرنٹ، بائیکاٹ گروپ، بی پی سی، اردن بی ڈی ایس تحریک تنظیموںکی طرف سے اردن میں ہونے والی دوستانہ ورکشاپ کی مخالفت کی گئی ہے۔