(روزنامہ قدس ۔آن لائن خبر رساں ادارہ)اردن حکومت نے غیر قانونی طورپر اردن میں داخل ہونے والے اسرائیلی شہری پر مقدمہ چلانے کا فیصلہ کیا ہے.
اردن کی سرکاری نیوز ایجنسی نے حکومتی ذرائع سے بتایا ہے کہ 29 اکتوبرکوغیرقانونی طورپرعمان میں داخل ہوتے ہوئے گرفتار ہونے والے اسرائیلی کونزٹانٹین کوٹوف کا مقدمہ فوجی عدالت میں چلایا جائے گا جہاں اس کو اپنے دفاع کا پورا موقع دیا جائے گا ،اردنی پراسیکیوٹر کا کہناہے کہ اسرائیلی شہری کو فوجی جج حازم عبدالسلام المجالی کی عدالت میں پیش کیا جائے گا۔
دوسر ی جانب ذرائع کا کہنا ہے کہ عمان میں غیر قانونی طورپر داخل ہونے والا اسرائیلی عام شہری نہیں بلکہ اسرائیلی خفیہ ایجنسی کا اہلکار ہے ۔