(روزنامہ قدس ۔آن لائن خبر رساں ادارہ) فلسطین پر قابض صیہونی ریاست اسرائیل کی ایک فوجی عدالت نے دونوں آنکھوں سے محروم 80 سالہ معمر ترین فلسطینی قیدی کی انسانی بنیادوں پر رہائی کی درخواست مستر دکردی۔
فلسطینی محکمہ امور اسیران کے چیئرمین قدری ابو بکر نے بتایا کہ اسرائیلی کی مختلف جیلوں میں 2006 سے قید 80 سالہ فلسطینی فواد الشوبکی کو آنکھوں کے آپریشن کے لیے اسپتال منتقل کیا گیاتھا جہاں ان کی حالت انتہائی مخدوش بتائی جاتی ہے ، عمر رسیدہ فواد الشوبکی کی دونوں آنکھوں میں موتیا ہے جس کا بروقت علاج نہیں کروایا گیا اور اب وہ دنوں آنکھوں سے دیکھنے سے محروم ہیں ۔
چیئرمین قدری ابو بکر نے بتایا کہ اسیر الشوبکی کی عمر رسیدگی کی وجہ اور آنکھوں میں تکلیف کے باعث ان کی قید کی سزا پر نظرثانی کی درخواست دائر کی گئی تھی جسے اسرائیلی عدالت نے مسترد کردیا گیا تھا۔
واضح رہے کہ صیہونی جیلوں میں قید 80 سالہ الشوبکی تمام قیدیوں میں عمر میں سب سے بڑے ہیں۔