(روزنامہ قدس ۔آن لائن خبر رساں ادارہ) درجنوں یہودی آبادکاروں نے گزشتہ روز پھر مذہبی رسومات کی ادائیگی کی آڑ میں مسجد اقصیٰ پر دھاوا بولا اور گھنٹے تک قبلہ اول کی بے حرمتی کرتے رہے۔
گزشتہ روز 300 سے زائد شرپسند صہیونی آبادکاروں نے پولیس کے سخت حفاظتی حصار میں مسجد اقصیٰ کی بے حرمتی کی اور قبلہ اول کے صحن میں مذہبی رسومات کی ادائیگی کی آڑمیں کے چکر لگائے اور مبینہ ٹیمپل ماونٹ کے بارے میں معلومات حاصل کیں۔اسی دوران اسرائیلی پولیس نے فلسطینی عبادت گزاروں پر مسجد اقصیٰ میں داخلی ہونے پر پابندیاں سخت کر دیں اور فلسطینیوں کو مسجد سے بے دخل کردیا۔
واضح رہے کہ شرپسند اسرائیلی آبادکار جمعہ اور ہفتہ کے علاوہ روزانہ کی بنیاد پر ریاستی سرپرستی میں صبح اور شام کے وقت مسجد اقصیٰ پر دھاوا بولتے اور قبلہ اول کی بے حرمتی کرتے رہتے ہیں ۔