(روزنامہ قدس ۔آن لائن خبر رساں ادارہ) صیہونی فوج کی جانب سے فلسطینیوں کے گھروں پر آنسو گیس کی شیلنگ سے متعدد رہائشی بے ہوش ہوگئے ۔
عینی شاہدین کے مطابق مقبوضہ بیت المقدس کے ضلع العیسویہ کے علاقے "الداری ” اور المدارس میں صیہونی فوجی جیپوںمیں سوار اسرائیلی فوجیوں نے فلسطینی نوجوانوں کا تعاقب شروع کیا ، اس دوران نوجوان علاقے کی گلیوں میں غائب ہوگئے جس کے بعد صیہونی فوج نے رہائیشوں کے گھروں پر بڑی تعداد میں آنسو گیس کے گولے فائر کئے جس کے باعث پورے علاقے میں خوف و ہراس پھیل گیا ۔
صیہونی فوج کی جانب سے آنسو گیس کی شیلنگ کے باعث درجنوں رہائشی جن میں خواتین اور بچے شامل تھے بے ہوش ہوگئے ۔
واضح رہے کہ صیہونی فوج روزانہ کی بنیاد پر مقبوضہ بیت المقدس میں فلسطینیوں کے خلاف غیر انسانی سلوک رواں رکھے ہوئے ہے جس میں گھروں میں لوٹ مار توڑ پھوڑ اور بغیر کسی جرم کے فلسطینیوں کو قید کرنا معمول ہے ۔