(روزنامہ قدس ۔آنلائن خبر رساں ادارہ ) مقبوضہ فلسطین کے مغربی کنارے اور بیت المقدس کے مختلف علاقوں م یں قابض اسرائیلی فوج کی جانب سے گھر گھر تلاشیوں کے دوران رہائیشوں کوزدوکوب کرنے کاسلسلہ جاری، مخلتف کارروائیوں کے دوران بچوں سمیت متعدد فلسطینیوں کو حراست میں لے لیا گیا۔
تفصیلات کے مطابق گزشتہ روز گھرگھر تلاشی کے دوران اسرائیلی فوجیوں نے گھروں میں گھس کر روایتی توڑپھوڑ اور لوٹ مار کی رہائشیوں کو زدوکوب کیا، غرب اردن سے 13 اور غزہ کی سرحد سے 2 فلسطینیوں کی گرفتاری عمل میں لائی گئی۔
اسرائیلی فوج کے مطابق غرب اردن سے گرفتارکیے گئے فلسطینی شہریوں میں فوج کو مزاحمتی کارروائیوں میں مطلوب عناصر بھی شامل ہیں۔
فلسطینی قیدیوں کی تفصیلات اور معلومات رکھنے والے ادارے کے مطابق طولکرم شہر سے تین فلسطینیوں کو حراست میں لیا گیا۔ ان کی شناخت محمد حسن متروک، اسید ایمن قبج، آدم قبج کے ناموں سے کی گئی ہے۔ ان کی عمریں 19 سے 24 سال کے درمیان ہیں، جبکہ دیگر کو تفصیلات جمع کی جارہی ہیں۔