(روزنامہ قدس ۔آن لائن خبر رساں ادارہ ) صیہونی فوج کی جانب سے فلسطینیوں کے گھروں پر چھاپہ مارکارروائیاں ، آنسوگیس کی بلااشتعال شیلنگ سے ایک بچہ شدید زخمی کئی دم گھٹنے سے بے ہوش ہوگئے ۔
مقبوضہ فلسطین کے مغربی کنارے کے شہر رام اللہ کے علاقے الجانیہ میں قابض صہیونی فوج نے نہتے فلسطینیوں کے گھروں پر چھاپہ مارکارروائیاں کی اس دوران اندھا دھند گیس کی شیلنگ کی جس کے نتیجے میں ایک بچہ جھلس کر شدید زخمی ہوگیا کے۔صیہونی فوج کے پھینکیں گئے آنسوگیس کے شیل لگنے سے گھر کے باہر موجود 12 سالہ بچہ شدید زخمی ہوگیا جس کو طبی امداد کیلئے قریبی اسپتال منتقل کیا گیا جبکہ آنسو گیس کی بے تحاشہ شیلنگ کے باعث متعدد فلسطینی دم گھٹنے کے باعث بے ہوش ہوگئے ۔