(روزنامہ قدس ۔آن لائن خبر رساں ادارہ) "مقبوضہ بیت المقدس” کے علاقے "ابودیس” میں "جامعہ ابودیس” پر صیہونی فوج کا حملہ ،مزاحمت پر صیہونی فوج نے فائرنگ ، آنسو گیس کی شیلنگ کی جس سے درجنوں طلباء زخمی ، دم گھٹنے سے متعدد کی حالت تشویشناک ہوگئی۔
تفصیلات کے مطابق "مقبوضہ بیت المقدس” کے مشرقی شہر "ابو دیس "میں "ابو دیس یونیورسٹی پر صیہونی فوج نےچھاپہ مارکارروائی کی اور متعدد طلباء کو گرفتار کرنے کی کوشش کی، طلباء کی جانب سے صیہونی فوج کی دہشتگردانہ کاررائی پر مزاحمت کی گئی جس کو پسپا کرنے کیلئے دہشتگرد قابض صیہونی فوج نے ابودیس یونیورسٹی اور اس کے اطراف میں فلسطینی طلباء پر فائرنگ اور آنسوگیس کی شیلنگ کی جس کے نتیجے میں متعدد فلسطینی زخمی ہوگئے۔قابض فوج نے فلسطینی طلباء پر آنسوگیس کی شیلنگ، صوتی بموں کا استعمال اور دیگر اسلحہ سے حملہ کیا۔ اسرائیلی فوج کے تشدد کے نتیجے میں متعدد فلسطینی طلباء دم گھٹنے سے زخمی ہوگئے۔
