(روز نامہ قدس ۔آن لائن خبر رساں ادارہ) فلسطین پرقابض اسرائیلی فوج نے رات گئے بیت المقدس کے مختلف علاقوں میں چھاپہ مارکاررئیوں کے دوران یونیورسٹی طالبہ "سماح جرادات” کوگرفتارکرلیا۔
تفصیلات کےمطابق صیہونی فوج نے گزشتہ روز مقبوضہ بیت المقدس کے مختلف علاقوں میں گھر گھر تلاشی کا عمل شروع کیا اور روایتی توڑپھوڑاورلوٹ مارکی، اس دوران صیہونی فوج نے”البیرہ” کےعلاقے میں "بیرزیت یونیورسٹی” میں میڈیا سائنس کی طالبہ سمہ جرادات کو گھر میں گھس کر گرفتارکرلیا۔
تین روز قبل بھی صیہونی فوج نے اسی یونیورٹی کے میڈیا سائنس کے شعبے سے تعلق رکھنے والے "رام اللہ” کے رہائشی دو طالب علم اورایک پروفیسرکو بھی گرفتارکیا تھا۔
صیہونی فوج نے چھاپہ مارکارروئیوں میں انتظامی قید کے تحت اسرائیلی زندان میں اسیر فلسطینی ايسر معروف کے گھر پر بھی دھاوا بولا اور توڑپھوڑ کی
"ايسرمعروف” کی اہلیہ "نورحمید” نے بتایا کہ صیہونی فوج نے ان کے گھر پر دھاوا بولا اور کمپیوٹر کی ہارڈ ڈرائیواور موبائل کے میموری کارڈ سمیت گھرمیں موجود پیسے بھی ضبط کرلیئے ۔