(روزنامہ قدس ۔آن لائن خبر رساں ادارہ) قابص صیہونی فوج نے عوامی مقام سے فلسطینی خاتون کو گرفتارکرکے چاقو برآمد ہونے کا دعویٰ کیا ہے۔
اسرائیل کے چینل 13 کے مطابق مقبوضہ بیت المقدس کے شمالی مغربی شہر نابلس شہر کے مغرب میں ایک عوامی مقام سے صیہونی فوج نے کارسوار فلسطینی خاتون کو حراست میں لیا ہے، میڈیا رپورٹ میں اسرائیلی فوج کے حوالے سے دعویٰ کیا گیا ہے کہ فلسطینی خاتون نے بلندآواز سے "یہودیوں کی موت” کا نعرہ لگایا جس کے بعد خاتون کو حراست میں لیا گیا ہے، اسرائیلی فوج کی جانب سے جاری بیان میں کہا گیا ہے کہ گرفتارخاتون کے قبضے سے ایک چاقو برآمد ہوا ہے جو یقینی طور پر یہودیوں پر قاتلانہ حملے کیلئے استعمال ہونا تھا