(روزنامہ قدس ۔آن لائن خبر رساں ادارہ) صیہونی فوج نے سابق فلسطینی صدر یاسر عرفات کی برسی کی تقریب کے موقع پر ہونے والے احتجاجی مظاہرے پردھاوا بولا اور فلسطینی نوجوان کو براہ راست گولیاں مارکر شہید کردیا۔
فلسطینی اتھارٹی (پی اے) نے تصدیق کی ہے کہ مقبوضہ فلسطین کے مغربی کنارے کے علاقے العروب پناہ گزین کیمپ میں سابق فلسطینی صدر یاسر عرفات کی برسی کے سلسلے میں ہونے والے احتجاجی مظاہرے جاری تھے کہ صیہونی فوج نے احتجاجی کیمپ پر دھاوا بولا اور مظاہرین پر آنسو گیس اور ربڑ کی گولیاں چلائیں جبکہ 28 سالہ عمر البداوی کو انتہائی قریب سے سینے میں گولیاں ماری جس سے وہ شدید زخمی ہوگیا جس کو فوری طور پر اسکو اسپتال منتقل کیا گیا تاہم وہ زخموں کی تاب نہ لاتے ہوئے شہید ہوگیا ۔
واقع کی ویڈیو سوشل میڈیا پر وائرل ہوگئی جس میں دیکھا جاسکتا ہے کہ عمر البداوی کسی احتجاجی مظاہرے میں شریک نہیں تھا بلکہ وہ گھر سے نکلا تو اس کے ہاتھ میں پانی کی بوتل تھی اس دوران اسرائیلی فوجیوں نے اس کو انتہائی قریب سے گولیاں ماریں ۔
اسرائیلی فوج کی جانب سے اس حوالے سے کوئی بیان جاری نہیں کیا گیا ہے ۔