(روزنامہ قدس ۔آن لائن خبر رساں ادارہ) صیہونی فوج نے دعویٰ کیا ہے کہ اسرائیل میں غیر قانونی طورپر داخل ہونے والی فلسطینی کو گرفتارکیا گیا ہے۔
قابض صہیونی فوج کی طرف سے جاری ایک بیان میں دعویٰ کیا گیا ہے کہ جنوبی غزہ کے علاقے سے ایک نوجوان کو غیر قانونی طور پر اسرائیل میں داخل ہونے کی کوشش کرتے ہوئے گرفتار کیا گیا ہے ، گرفتار نوجوان کا نا م ظاہر نہیں کیا گیا ہے اور نا کوئی اور معلومات۔
واضح رہے کہ صیہونی فوج کی جانب سے غزہ کے کسانوں اور شہریوں پر بلا جواز فائرنگ اور سرحدسے داخل ہوکر گرفتاریاں معلوم بن گئی ہیں جبکہ اسرائیلی فوج کی طرف سے غزہ کی سرحد کے قریب 300 میٹر کا علاقہ ممنوعہ قرار دے رکھا ہے۔ اس علاقے میں داخل ہونے والے کسی بھی فلسطینی کو مشتبہ مزاحمت کارقرار دے کر گرفتار کرلیا جاتا ہے یا اسے گولیاں مار کر شہید یا زخمی کیا جاتا ہے۔