(روزنامہ قدس ـ آنلائن خبر رساں ادارہ) قابض اسرائیل کے مرکزی ادارہ برائے شماریات نے یہ انکشاف کیا ہے کہ گزشتہ دو برسوں کے دوران ایک لاکھ سینتیس ہزار سے زائد صہیونی شہری ملک چھوڑ کر دوسرے ممالک فرار ہو گئے ہیں جو کہ واپس آنے والوں کی تعداد سے دوگنی ہے۔
اعداد و شمار کے مطابق صرف گزشتہ سال بیاسی ہزار سے زائدقابض اسرائیلیوں نے نام نہاد صیہونی ریاست سے ہجرت کی جبکہ اس دوران صرف اکتیس ہزار افراد واپس آئے۔
سال 2023 میںپچپن ہزار صہیونیوں نے ملک چھوڑا جبکہ چھیالیس ہزار افراد وہاں منتقل ہوئے۔ قابض ادارے کے اعداد و شمار کے مطابق نئے عبرانی سال کے آغاز پر قابض اسرائیل کی کل آبادی ایک کروڑ سے کچھ زائد ریکارڈ کی گئی۔گزشتہ عبرانی سال کے دوران آبادی میں اضافے کی شرح صرف ایک اشاریہ دوفیصد رہی جو اس سے پچھلے سال کی ایک اشاریہ چھ فیصد کی شرح سے کم ہے۔
قابض اسرائیلی ذرائع نے ہجرت میں اضافے کی بنیادی وجوہات ساتھ اکتوبر 2023 کے واقعات کے بعد پیدا ہونے والی بگڑتی ہوئی سکیورٹی اور سیاسی صورتحال، عدم تحفظ کے بڑھتے ہوئے احساس، عالمی سطح پر تنہائی کے خوف اور معاشی و سماجی مشکلات کو قرار دیا ہے۔
