مقبوضہ بیت المقدس (روز نامہ قدس ۔آن لائن خبر رساں ادارہ) بنجمن نیتن یاھو نے کہا ہے کہ وہ آئندہ ماہ ’’فیس گراڈ‘‘ ممالک کے سربراہوں سے مقبوضہ بیت المقدس میں ملاقات کریں گے۔ ڈیڑھ سال میں یہ دوسری سربراہ ملاقات ہے۔
روز نامہ قدس کو موصول ہونے والی اطلاعات کے مطابق اسرائیلی اخبار ’’یسرائیل ھیوم‘‘نے بتایا ہے کہ نیتن یاھو فیس گراڈ ممالک کے صدور کے ساتھ جلد ملاقات کریں گے۔ اس ملاقات کا مقصد اسرائیل پر فلسطین میں صیہونی آباد کاری کے لیے ڈالے جانے والے دباؤ کو کم کرنا اور ایران کے معاملے میں نرمی کا مظاہرہ کرنے پر دباؤ ڈالنا ہے۔
رپورٹ کے مطابق 19 فروری کو پولینڈ، ہینگری، سلواکیا اور جمہوریہ چیک کے سربراہان القدس کا دورہ کریں گے جہاں وہ اسرائیلی وزیراعظم سے ملاقات کریں گے۔