فلسطینی دستور ساز کونسل کے ڈپٹی سپیکر ڈاکٹر احمد بحر نے فرانسیسی رکن سینٹ فلپی میرینی کے اس بیان کو سراہا ہے جس میں انہوں نے یورپی ریاستوں سے غزہ کا اسرائیلی محاصرہ اور حماس کی سیاسی تنہائی ختم کرنے کا مطالبہ کیا تھا- ڈاکٹر بحر نے کہا کہ فلپی میرینی کی طرح بہت سے یورپی و امریکی سیاستدانوں اور قانون سازوں کا یہی خیال ہے کہ مسئلہ فلسطین کے حل کے لئے حماس کی سیاسی حیثیت تسلیم کی جائے- انہوں نے یورپی یونین اور امریکی انتظامیہ سے کہا کہ وہ ان ارکان کے موقف کی روشنی میں اپنی سیاسی پالیسیوں پر نظرثانی کریں- دریں اثنا حماس کے رکن پارلیمنٹ عبدالرحمن زیدان نے کہا ہے کہ اسرائیل کے سابق وزیر جنگ شائول موخاذ کی جانب سے عبوری سرحدوں پر مبنی فلسطینی ریاست کے قیام کی تجویز اور اس حوالے سے حماس سے مذاکرات کی خواہش سے لگتا ہے کہ قدیما پارٹی داخلی انتشار کا شکار ہے-
