پارٹی اجلاس میں سلام فیاض پر الزامات

پارٹی اجلاس میں فلسطینی اتھارٹی کے غیرآئینی وزیراعظم سلام فیاض کو سخت الزامات کا سامنا کرنا پڑا- فتح کی انقلابی کونسل کے اجلاس میں ارکان نے سلام فیاض کی پالیسیوں کو شدید تنقید کا نشانہ بنایا-

ارکان نے الزام لگایا کہ سلام فیاض کی پالیسیوں کے باعث مغربی کنارے میں حالات انقلاب کی طرف جا رہے ہیں- انقلابی کونسل کے ایک رکن کے مطابق سلام فیاض کے اس منصوبے کو شدید تنقید کا نشانہ بنایا گیا جس میں انہوں نے آئندہ دو سال کے لیے اپنی (غیر آئینی ) حکومت کے پروگرام کا اعلان کیا-

اس پروگرام میں 2011ء تک فلسطینی ریاست کے قیام کا اعلان بھی شامل ہے- سلام فیاض کا پروگرام اس منصوبے کا حصہ ہے جو اسرائیل نے فلسطینی اراضی کے لیے معاشی امن کے نام سے ترتیب دیا ہے-