غزہ کی پٹی میں دو سال قبل قابض اسرائیل کی مسلط کردہ جنگ سے متعلق جنگ کے واقعات پر مشتمل ایک بڑا بلاگ تیار کیا گیا ہے . اس بلاگ میں جنت کی مکمل تفصیلات اور معلومات کا ذخیرہ شائع کیا جائے گا. مرکز اطلاعات فلسطین کے مطابق غزہ میں تحقیق و ریسرچ کے لیے قائم ادارے”ابداع فاٶنڈیشن” کے ایگزیکٹو ڈائریکٹر انجینئر نبیل اسلیم نے بتایا ہے کہ ان کےادارے کے زیر اہتمام غزہ جنگ کے بارے میں معلومات کا ایک بڑا ذخیرہ جمع کیا گیا ہے جسے آن لائن شائع کرنے کے لیے ایک بلاگ بھی تیارکر لیا گیا ہے. اسلیم کا کہنا تھا کہ عالمی اداروں اور عرب ممالک سے حاصل ہونے والی تفصیلات کے بعد غزہ کے اندر کی سے دوران جنگ کے واقعات کی تفصیلات جمع کی گئی ہیں. ان تفصیلات کے لیے ایک ویب سائیٹ تیار کی گئی ہے جس میں 15 گیگا بائیٹس مواد ذخیرہ کرنے کی گنجائش موجود ہے. اسلیم کا کہنا تھا کہ انہوں نے ماہرین اور محقیق کی مدد سے غزہ جنگ کا مصدقہ معلومات پر ایک بڑا ذخیرہ جمع کیا ہے . معلومات کا یہ ذخیرہ عالم عرب اور دنیا کے دیگر ممالک کے تحقیق کاروں کے لیے ایک اہم معلومات دستاویز ہے. غزہ جنگ اور قابض صہیونی فوج کی درندگی کے بارے میں معلومات کے حصول کے لیے یہ معلومات کا سب سے مستند ذریعہ اور ذخیرہ ہو گا. الابداع کے عہدیدار نے بتایا کہ وہ ویب پورٹل پر جنگ کی یومیہ کے اعتبار سے تفصیلات جاری کریں گے، تاکہ پڑھنے والوں کو معلومات کے حصول اور ان کی ترتیب کو سمجھنے میں سہولت بہم پہنچائی جا سکے.