مغربی کنارے کے مختلف شہروں میں فلسطینی صدر محمود عباس کے زیر کمانڈ سیکیورٹی فورسز کی جانب سے اسلامی تحریک مزاحمت –حماس- کے اراکین کے خلاف چھاپہ مار کارروائیوں کا سلسلہ جاری ہے، تازہ کارروائیوں میں طولکرم اور بیت لحم سے حماس کے 05 پانچ اراکین کو حراست میں لے کرنامعلوم مقام پر منتقل کردیا ہے، گرفتار ہونے والوں میں بعض پہلے بھی عباس ملیشیا کی جیلوں میں قید رہ چکے ہیں۔ ذرائع کے مطابق بیت لحم میں خضرہ کے علاقے میں ایک جامع مسجد پردھاوا بولا اور وہاں پر موجود امام مسجد شیخ سلیمان دعدوع اور قیدیوں کی بہبود کے لیے کام کرنے والی تنظیم کے سابق ڈائریکٹر احمد سعید موسیٰ کو گرفتار کرلیا۔ احمد سعید موسیٰ ماضی میں بھی عباس ملیشیا کی جیلوں میں پابند سلاسل رہ چکے ہیں۔ طولکرم میں سرچ آپریشن کے دوران عباس ملیشیا نے حماس کے مقامی رکن عوض یوسف اور شیخ موید کو گرفتار کرلیا۔ دونوں راہنما پہلے بھی عباس ملیشیا کی جیلوں میں قید کاٹ چکے ہیں۔ ادھرعباس ملیشیا قلقیلیہ کی رہائشی تین بچوںکی ماں میرفت صبری کو اپریل کےشروع میں گرفتار کیاگیا تھا، اسے تاحال گرفتار رکھاگیا ہے۔ میرفت صبری کو اس کے شیرخواربچے کے باوجود حراست میں رکھاگیا ہے۔