ینی بارڈر حکام کے مطابق شام سے امدادی اشیاء لے کر ٹرکوں اور کاروں کاایک قافلہ مصری راستے سے رفح بارڈر سے بخیریت غزہ پہنچ گیا ہے. محکمہ بارڈر کی جانب سے جاری ایک تازہ بیان کے مطابق شامی امدادی اداروں کے رضاکاروں اور ڈاکٹروں پر مشتمل 26 رکنی وفد جمعرات کی شام غزہ پہنچا. قافلے کے ہمراہ آنے والے بعض امدادی سامان کے ٹرک جمعہ کے روز سمندری راستے سے آتے ہوئے العوجہ گذرگاہ سے غزہ داخل ہوں گے. بیان کے مطابق شامی حکومت اور عام شہریوں کی جانب سے 650 ٹن امدادی سامان کی کھیپ لے کرایک بحری جہاز دو روز قبل دمشق سے روانہ ہوا تھا. امدادی سامان میں 40 ٹن ادویہ شامل ہیں جبکہ دیگر سامان میں کپڑے، اشیائے خورنوش اور بچوں کے لئے کتابیں اور اسٹیشنری شامل ہے. شامی امدادی کارکنوں اور امدادی قافلے کے رفح پہنچنے پر فلسطینی حکومت کے کئی وزراء اور اہم شخصیات نے ان کا استقبال کیا.