"حماس فلسطینی مصالحت میں سنجیدہ ہے”

اسلامی تحریک مزاحمت (حماس ) فلسطینی اختلافات کے خاتمے کیلئے سنجیدہ ہے اور وہ فلسطینی انتشار کاخاتمہ چاہتی ہے۔ ان خیالات کا اظہار سامی ابو زھری نے القدس ٹی وی سے گفتگو کرتے ہوئے کیا۔انہوں نے کہا کہ فلسطینی آئینی وزیر اعظم اسماعیل ھنیہ نے فتح کو مصالحتی معاہدے پر دستخط کی دعوت دی ہے۔ انہوں نے مزید کہا کہ حماس کسی سے بھی ڈکٹیشن نہیں لیتی ہے ان کی جماعت فلسطینی عوام کے مفاد کیلئے کام کررہی ہے او ر اس کا ہدف فلسطینی عوام کی امنگوں پر پورا اترنا ہے۔