فلسطینی غیر آئینی صدر محمود عباس کی جانب سے اسرائیل کے ساتھ براہ راست کے لیے تیاری کے اعلان کے بعد امریکا کے مشرق وسطیٰ کے بارے میں خصوصی ایلچی جارج میچل آج اسرائیلی وزیراعظم بنجمن نیتن یاہو اور فلسطینی صدر محمود عباس سے ملاقات کر رہے ہیں، وہ یہاں پہنچ کر مذاکرات کے انتظامات کریں گے۔ محمود عباس کی جانب سے اسرائیل کے ساتھ مذاکرات کا عندیہ اس حقیقت کے باوجود دیا گیا ہے جب القدس میں یہودی آباد کاری اور اسلامی مقدسات کو یہودی رنگ میں رنگنے کی کارروائیاں جاری ہیں، اور نیتن یاھو نے یہودی بستیوں کی تعمیر پر پابندی کے فیصلے کو توسیع دینے سے بھی انکار کر دیا ہے۔ امریکا اوباما انتظامیہ نے فریقین پر جلد سے جلد براہ راست مذاکرات شروع کرنے پر زوردیا ہے ذرائع کے مطابق ”جارج میچل فریقین کے تحفظات دور کرنے کے لیے ایک دن گزاریں گے اور وہ بدھ کو واپس امریکا آ جائیں گے” امریکی ایلچی ایسے وقت میں مشرق وسطیٰ کا دورہ کر رہے ہیں جب اوباما انتظامیہ اسرائیل اور فلسطینیوں پر ستمبر تک براہ راست مذاکرات شروع کرنے کے لیے دباٶ ڈال رہی ہے۔ ذرائع کے مطابق حالیہ دنوں میں کیے جانے والے بہت زیادہ کام کے پیش نظر سینٹر میچل اس بات کا جائزہ لینے کی کوشش کریں گے کہ کیا دونوں فریق فی الواقعی براہ راست مذاکرات شروع کرنے کے لیے تیار ہیں”