نئی یہودی آبادیوں کے منصوبوں پر عمل درآمد میں تیزی لانے کے تناظر میں جارح صہیونی قوتوں نے مقبوضہ بیت المقدس کے ایک عربی آبادی والی کالونی میں تجارتی مرکز بنانے کا منصوبہ تیار کر لیا۔
بدھ کے روز عبرانی زبان ے ریڈیو چینل کے مطابق مقبوضہ بیت المقدس کی بلدیہ عرب کالونیوں میں تجارتی اور سیاحتی مراکز کی توسیع کی کوششوں میں مصروف ہے تاکہ اس کی مسافت 180 ایکڑ سے بڑھ کر 800 ایکڑ ہو جائے۔ ریڈیو کے مطابق اس علاقے میں تقریبا 1000 یہودی رہائشی یونٹس کی تعمیر کا پروجیکٹ پر بھی عمل ہو رہا ہے۔
ریڈیوکے مطابق اس منصوبے میں جنوب کی طرف سے قدیم شہر کی دیواروں کے درمیان واقع علاقہ۔ مغرب میں راستہ نمبر ایک، مشرق میں وادی جوز اور شمال میں وادی نار شامل ہیں۔
یہ بات یاد رہے کہ یہ منصوبہ قابض اسرائیلی انتظامیہ کی جانب سے مقبوضہ بیت المقدس کی کئی کالونیوں میں یہودی آبادیوں کے منصوبے کی ہی ایک توسیع ہے۔