القدس میڈیا سنٹر کے مطابق اسرائیلی فوج جان بوجھ کے اقصیٰ مسجد کے صحن میں اور با لخصوص داخلی دروازے کے قریب پیشاب کرکے مسجد کے تقدس کو پامال کرنے کی کوشش کرتے ہیں۔ میڈیا سنٹرکے مطابق مسجد کے محافظ جب ان واقعات کو اسرائیلی پولیس کے اعلیٰ حکام کی نوٹس میں لاتے ہیں توہ انہیں ہمیشہ یقین دلاتے ہیں کہ اسکی تحقیقات کی جائیگی اور ایسی حرکت کرنے والوں کو سزا بھی دی جائیگی۔ میڈیا سنٹر نے ہفتے کودعویٰ کیا کہ اسرائیلی پولیس کے اعلیٰ حکام جان بوجھ کے متعصب،متشدداورفلسطینیوں سے نفرت رکھنے والے پولیس اہلکاروں کو مسجد کے اندر تعینات کرتے ہیں اور یہ لوگ اکثر مسجد کے محافظوں سے بھی الجھتے رہتے ہیں اور ان کی عزت نفس کو ٹھیس پہنچانے کی کوشش کرتے ہیں۔ اسی مناسبت سے مصری پارلیمنٹ کے رکن علی لعبان نے عرب اور مسلم حکمرانوں کی مسجد اقصیٰ کی بے حرمتی اور اس کے تقدس اور اس کے وجود کو ختم کرنے کی اسرائیلی کوششوں پر چپ سادھ لینے پرافسوس کا اظہار کیا۔ اپنے بیا ن میں علی لعبان نے عرب اور مسل حکمرانوں سے اپیل کی کہ وہ مسجد اقصیٰ کے وجود کو بچا نے کیلئے اقدامات کریں ۔انہوں نے کہا کہ اقصیٰ مسجد کے نیچے زیر زمین کھدائی سے اس مسجد کا وجود خطرے میں پڑگیا ہے۔ مصری ممبر پارلیمنٹ نے مسلم اور عرب دنیا کی پر امن اور طاقتور مسلم تنظیموں سے اپیل کی کہ وہ اپنی حکومتوں ،اسلامک ریسرچ اکیڈمی،اسلامی کانفرنس تنظیم او ر عرب لیگ پر اخلاقی دباو ڈالنے کی کوشش کریں تاکہ یہ لوگ اس سلسلے میں اپنا کو ئی کردار ادا کر سکیں۔
