اسرائیلی رہنماؤں نے گولڈ سٹون رپورٹ کی حمایت پر برطانوی حکومت کو دھمکی دے دی – صہیونی رہنماؤں کا کہنا ہے کہ اگر برطانیہ نے اقوام متحدہ میں گولڈ سٹون رپورٹ کی حمایت کی تو برطانوی جنگی جرائم کوبے نقاب کیا جائے گا جو اس کی فوج نے عراق اور افغانستان میں کئے ہیں- برطانوی اخبار انڈیپنڈنٹ کے القدس میں نامہ نگار کے مطابق گولڈ سٹون رپورٹ کی حمایت پر صہیونی رہنماؤں نے یورپی ممالک بالخصوص برطانیہ پر شدید غم و غصے کا اظہار کیا- رپورٹ کے مطابق اقوام متحدہ میں برطانیہ کے سفیر ’’جان سیویرز ‘‘ نے اسرائیلی ریڈیو سے گفتگو کرتے ہوئے کہاتھاکہ غزہ جنگ کے متعلق اقوام متحدہ کی رپورٹ اہم معلومات پر مشتمل ہے- اسرائیل اور فلسطین دونوں کو اس رپورٹ کی تفصیلات پر غور کرنا چاہیے- رپورٹ میں ایسی معلومات ہیں جس سے شکوک جنم لیتے ہیں کہ جنگ کے دوران جرائم کا ارتکاب کیا گیا-
