اسرائیلی وزیر مالیات یوول سٹائنٹس کے بیان پر رد عمل ظاہر کرتے ہوئے۔اسلامی تحریک مزاحمت (حماس) کے ترجمان فوزی برہوم نے کہا ہے کہ ایسے بیانات سے اسرائیل کی بدنیتی کا اندازہ لگایا جاسکتا ہے کہ وہ مستقبل میں فلسطینی قوم کے خلاف ریاستی دہشت گردی کو مزید توسیع دینا چاہتا ہے مستقبل میں صہیونیوں کے جنگی اور انسانی جرائم بڑھتے نظر آ رہے ہیں۔
اتوار کے روز برہوم نے اپنے پریس بیان میں کہا ہے کہ’’ اس قسم کے بیانات پر قومی اور عالمی سطح پر فوری کارروائی ضروری ہو گئی ہے۔ ضرورت اس امر کی ہے کہ اسرائیل کو عالمی سطح پر تنہا کر دیا جائے۔ ایسے بیانات دینے والے غاصب رہنماؤں کا عالمی جنگی مجرموں کی طرح بین الاقوامی سطح پر ٹرائل کیا جانا چاہیے اور فلسطینی قوم پر اسرائیلی جارحیت کو فوری روکا جائے۔
فوزی برہوم نے زور دیا کہ صہیونیوں کے ساتھ کسی بھی قسم کے مذاکرات، تعلقات اور حالات معمول پر لانے کی باتیں ان جرائم پر پردہ ڈالنے کے مترادف شمار ہونگی۔ اسرائیلی طرز عمل سے واضح ہوتا ہے کہ اسرائیل مذاکرات کو اپنے جنگی جرائم چھپانے کی آڑ بنا رہا ہے