اسرائیلی جیلوں میں فلسطینی اسیران کی حالت بگڑ گئی – اسلامی تحریک مزاحمت (حماس) کی اسیران کے متعلق اعلی کمیٹی کے مطابق متعدد اسیران کو صحت کی خرابی کے باعث الرملہ جیل کے ہسپتال منتقل کردیا گیا جبکہ تین مریضوں کا آپریشن کرنا پڑا – ذرائع کے مطابق الخلیل سے تعلق رکھنے والے اسیر اسماعیل احمد غربی کو مقبوضہ بیت المقدس کے ہداسا ہسپتال منتقل کیا گیا ہے جہاں پر ان کا آپریشن کیا گیا جبکہ بیت لحم سے تعلق رکھنے والے اسیر ابراہیم عدونی اور رام اللہ کے دیہات دیر عمار سے تعلق رکھنے والے اسیر عبداللہ کا آپریشن کرنا پڑا-
