غزہ کے محصور فلسطینیوں کے لئے امداد لیکر آنے والے چھے جہازوں پر مشتمل قافلے میں ایک پر اسرائیلی بحریہ نے حملہ کر دیا۔ حملے میں دس فلسطینی حمایتی رضا کار شہید جبکہ لاتعداد افراد زخمی ہو گئے۔ حملے کی خبر سننے ہی ہزاروں ترک شہریوں نے پیر کی صبح انقرہ میں ترکی کے سفارتخانے پر حملہ کر دیا۔
ترک این ٹی وی نے بتایا کہ اسرائیلی بحریہ نے امدادی قافلے میں شامل ایک جہاز پر حملہ کر کے اس پر قبضہ کر لیا ہے۔ سی این این کے ترکی ایڈیشن نے بھی حملے اور اس میں ہلاکتوں کی تصدیق کی ہے۔ اس امدادی بحری قافلے کی قیادت ترکی میں رجسٹرڈ "ماوی مارمارہ” نامی مسافر بحری جہاز کر رہا تھا۔ اس جہاز پر دنیا بھر سے سات سو رضاکار سوار تھے۔