ترکی کے معروف صحافی اور تجزیہ نگار عبداللہ بزکورت نے اپنےایک تازہ مضمون میں اسرائیل کو ترکی کے لیے نہایت خطرناک ملک قرار دیا ہے. اخبار "ٹوڈائز زمن” میں شائع مضمون میں وہ لکھتے ہیں کہ "اسرائیل ایک خطرناک ملک ہے، یہ دوستی کےقابل نہیں ترکی اسے اپنے اولین دشمنوں کی فہرست میں شامل کرے”. ترک صحافی کا کہنا ہےکہ اسرائیل ایک دہشت گرد ریاست ہے، اس کی وجہ سے اسرائیل کا امن خطرے میں پڑ گیا ہے. انہوں نے انکشاف کیا کہ اسرائیل ترکی کو توڑنےکے لیے علیحدگی پسند کردوں کی حمایت اور ان کی مالی اور اسلحے سے مدد کر رہا ہے. جس سے انقرہ کو اسرائیل کے بارے میں اپنی نرم پالیسی ترک کر کے اسے حقیقی دشمنوں کی فہرست میں شامل کرنا چاہیے. ترک تجزیہ نگار کے مطابق انقرہ کے لیے صہیونی ریاست کی دشمنی کے لیے فریڈم فلوٹیلا پر حملے سے بڑی کوئی مثال نہیں. اسرائیل نے امن اور امدادی مشن پر جانے والے تک رضاکاروں کو چن چن کر نشانہ بنایا اور ثابت کیا کہ ترکی اور اسرائیل کے درمیان دوستی کا کوئی رشتہ موجود نہیں.