(روزنامہ قدس ۔آن لائن خبر رساں ادارہ) یوکرین نے اسرائیل سے روس کے ساتھ بات چیت کی درخواست کی تھی جس پر نفتالی بینیٹ نے روسی صدر سے یوکرین کی صورت حال کےمختلف پہلوؤں پر گفتگو کی، اس دوران میں ویانا میں ایران جوہری مذاکرات میں پیشرفت بھی زیربحث لائی گئی۔
عالمی خبر ادارے کے مطابق قابض ریاست اسرائیل کے وزیر اعظم نفتالی بینیٹ کی جانب سے روس کے صدر ولادےمیر پیوٹن سے تین گھنٹے کی طویل ٹیلی فونک رابطہ کیا اور یوکرین و روس جنگی تنازہ عہ پر تفصیلی بات چیت کرتے ہوئے ثالثی کی پیشکش کی۔
واضح رہے کہ اسرائیلی عہدیدار کے مطابق یوکرین نے اسرائیل سے ماسکو کے ساتھ بات چیت کی درخواست کی تھی جس پر نفتالی بینیٹ نے روسی صدر سے یوکرین کی صورت حال کےمختلف پہلوؤں پر گفتگو کی، اس دوران میں ویانا میں ایران جوہری مذاکرات میں پیشرفت بھی زیربحث لائی گئی ۔
روسی صدرپیوٹن کا کہنا تھا کہ یوکرین میں ہر چیز منصوبے کے مطابق چل رہی ہے اور جو ملک یوکرین کی فضائی حدودکونوفلائی زون قراردےگا وہ تنازع میں شامل ہو جائےگاجبکہ ملک میں مارشل لاء لگانے کا کوئی ارادہ نہیں ہے، ان کے مطابق مارشل لاء کی ضرورت اس وقت ہوتی ہے جب ملک کو بیرونی جارحیت کا سامنا ہو۔