(روز نامہ قدس ۔آنلائن خبر رساں ادارہ ) فلسطینی نوجوان پر صہیونی پولیس نے اس وقت فائرنگ کی جب وہ اپنی گاڑی میں اسرائیلی پولیس کے نزدیک سے گزر رہاتھا۔
اسرائیل کے عبرانی نشریاتی ادارے کے مطابق گذشتہ روز اسرائیلی اسپیشل پولیس یونٹ نے مقبوضہ مغربی کنارے میں واقع العمری پناہ گزین کیمپ سے تعلق رکھنے والا 25 سالہ فلسطینی نوجوان احمد عبدہ جو اپنی گاڑی میں اسرائیلی پولیس کے نزدیک سے گزر رہاتھا پر گولیاں چلادیں جس کے باعث احمد بری طرح زخمی ہوگیا تاہم صہیونی فوج نے نوجوان کو اس کی گاڑی سے گھسیٹا اور سڑک پر ڈال دیا۔
عینی شاہدین کے مطابق اسرائیلی پولیس کے چار اہلکاروں نے نوجوان کی گاڑی پر اندھا دھند فائرنگ جس کے نتیجے میں احمد عبدو بری طرح زخمی ہوگیا تاہم وہ اس وقت تک زندہ تھا، صہیونی پولیس نے بربریت کا مظاہرہ کرتے ہوئے زخمی نوجوان کو گاڑی سے نکال کر گھسیٹا اور زمین پر ڈال دیا اور کوئی طبی امداد مہیا نہیں کی جس کے بعد کافی خون بہ جانے کے باعث فلسطینی نوجوان کی شہادت ہوگئی۔