(روزنامہ قدس ۔آن لائن خبر رساں ادارہ) صہیونی آبادکاروں نے معمر فلسطینی کی اراضی میں قیمتی زیتون کے درختوں کو کاٹ دیا جس سے غربت میں زندگی گزارنے والے فلسطینی کو شدید معاشی نقصان پہنچا۔
ذرائع کے مطابق گذشتہ روزمقبوضہ فلسطین میں صہیونی آبادکاروں کے ایک گروپ نے شرانگیزی پھیلاتے ہوئے سلفیت کے مغرب میں واقع فلسطینی گاؤں کفر الدیک کے رہائشی64 سالہ بزرگ نصیر احمد کی اراضی میں گھس کر زیتون کے500سے زائد درخت کاٹ ڈالےاور کئی پودوں کو اکھڑ دیاجس کی وجہ سے نصیر احمد کی گزر اوقات کا واحد ذریعہ تباہ ہو گیا۔
یاد رہے کہ فلسطینی باشندوں میں زیادہ تر افراد کا ذریعہ معاش زیتون کے درختوں سے حاصل ہونے والے پھل اور ان کی قیمتی لکڑیوں پر ہوتا ہے اور صہیونی آبادکار جان بوجھ کر نشانہ بنا کر فلسطینیوں کی مشکلات میں اضافہ کر تے رہتے ہیں۔