(روز نامہ قدس ۔آنلائن خبر رساں ادارہ ) امیرجماعت اسلامی نے کہا ہے کہ مقبوضہ بیت المقدس شدید خطرات میں گھرا ہوا ہے، صیہونیوں کی کوشش ہے کہ بیت المقدس سے اسلامی ثقافتی اور تاریخی نقوش کو مٹایا جائےاور یہودی اثرات کو راسخ کیاجائے۔
مقبوضہ بیت المقدس میں ریاستی سرپرستی میں غیر قانونی صیہونی آبادکاروں کی جانب سے نہتے فلسطینیوں پر وحشیانہ حملوں پر اپنے جاری بیان میں امیر جماعت اسلامی سراج الحق کا کہنا ہے کہ صیہونی ریاست مقبوضہ بیت المقدس کو یہودیانے کی کوششوں میں ہے، صیہونیوں کی کوشش ہے کہ بیت المقدس سے اسلامی ثقافتی اور تاریخی نقوش کو مٹایا جائے اور یہودی اثرات کو راسخ کیا جائے۔
انھوں نےمقبوضہ فلسطین میں فلسطینیوں کے خلاف ریاستی سرپرستی میں ہونے والے منظم حملوں کی شدید الفاظ میں مذمت کرتے ہوئے کہا ہے کہ عالمی ضمیرصہیونی قبضہ اور دہشتگردی پر خاموش تماشائی بنا ہوا ہے۔
سراج الحق نے پاکستانی قوم سے اپیل کی ہے کہ وہ رمضان المبارک کے مہینے میں مظلوم فلسطینی مسلمانوں کو اپنی دعاؤں میں یاد رکھیں اور ان کے حق آزادی کے لیے بھرپور آواز بلند کریں۔