(روزنامہ قدس ۔آن لائن خبر رساں ادارہ) اسرائیل کی جنگی تیاریوں کیلیے مختص کی گئی یہ رقم حال ہی میں امریکہ کی اسرائیل کو خطیر رقم کی امداد کے علاوہ ہے جس کے ذریعے اسرائیل اپنی فضائیہ کے لیے بڑی تعداد میں خفیہ بموں اور نشانے کی درستی کے حامل ہتھیارخریدنے کا ارادہ رکھتا ہے۔
عالمی خبر رساں ادارے کے مطابق صہیونی ریاست اسرائیل نے ایران کےساتھ جوہری ہتھیاروں کے حصول کے معاہدے پر عالمی طاقتوں کےساتھ جاری مذاکرات کی ناکامی پر ایران کے خلاف اپنی جنگی تیاریوں کا آغاز کرنے کا عندیہ دیاہے اور صہیونی فضائی مشقوں میں غیر معمولی اضافہ کر دیا ہے جبکہ عسکری طاقت کو مزید بڑھانے کے عملی اقدامات بھی تیزکردیے ہیں۔
ذرائع نے بتایا کہ ایران کے جوہری پروگرام کے خلاف صہیونی وزیر دفاع بینی گینٹز کی جانب سےایک خفیہ اجلاس میں عسکری امور سے تعلق منصوبے میں 12کنگ اسٹیلین CH-53K ہیلی کاپٹروں اور آئرن ڈوم کے میزائلوں کے اضافی اسٹاک کی خریداری کی تجویز پیش کی گئی تھی جس کی منظوری دیتے ہوئے ایک عرب ڈالر سے زائد رقم مختص کر دی گئی ہے۔
اسرائیل کی جنگی تیاریوں کیلیے مختص کی گئی یہ رقم حال ہی میں امریکہ کی اسرائیل کو خطیر رقم کی امداد کے علاوہ ہے جس کے ذریعے اسرائیل اپنی فضائیہ کے لیے بڑی تعداد میں خفیہ بموں اور نشانے کی درستی کے حامل ہتھیارخریدنے کا ارادہ رکھتا ہے۔
واضح رہے کہ قابض ریاست اسرائیل نے ایران اور عالمی قوتوں کے بیچ جوہری بات چیت کے مطلوبہ نتائج کے حصول کو ناممکن ثابت کرنے کی کوشش ہےاور ایران کو خطے کے امن کیلیے خطرہ قراردیتے ہوئے اپنے اتحادیوں سے ایران پر حملے کی حمایت پر زور دیا ہے۔