(روز نامہ قدس ۔آنلائن خبر رساں ادارہ ) سکریٹری ناجی سرہان نے غزہ میں تعمیرنو کے کام کیلئے تشکیل دی جانے والی کمیٹی میں غزہ کے حکام کی شمولیت نامناسب ہے غزہ کی تعمیرنو کےمعاملے کو سیاست سے علیحدہ رکھنا چاہئے۔
مقبوضہ فلسطین کے شہر رام اللہ میں گذشتہ روز وزیراعظم محمد اشتیہ کی سربراہی میںاعلیٰ سطح کا اجلاس منعقد ہوا جس میں وزیراعظم کی غزہ میں تعمیر نو کیلئے تشکیل دی جانے والی کمیٹی سمیت کابینہ کے دیگر اراکین نے شرکت کی۔
اجلاس میں تعمیراتی کمیٹی کے سربراہ اور وزارت پبلک ورکس اینڈ ہاؤسنگ کے سکریٹری ناجی سرہان نے کابینہ کی جانب سے غزہ کی بحالی کیلئے تشکیل کی گئی کمیٹی کے اراکین میں غزہ سے کسی نمائندے کو شامل نا کرنےپر تنقید کرتے ہوئے کہا ہے کہ میں کسی ایسے معاملے کا حصہ بننا نہیں چاہوں گا جس میں بحالی کے نام پر سیاست ہو۔
انھوں نے کہا کہ غزہ بحالی کا فیصلہ غزہ کے نمائندوں اور فریقین سے بغیر مشاورت اور بغیر اطلاع کے کیا گیا ہے جو نامناسب ہے بحالی کے کام کو سیاست سے الگ ہونا چاہئے اس لئے میں بطور سربراہ اس کمیٹی سے دستبردار ہوتا ہوں۔