(روزنامہ قدس ۔آن لائن خبر رساں ادارہ) حماس نے صیہونی وفود کے بغیر ٹورنامنٹ اور دیگر بین الاقوامی مقابلوں کی میزبانی کا حق حاصل کرنے میں ملائیشیا کے ساتھ تحریک کی یکجہتی پر زور دیا اور کہا کہ اسے اس بات پر افسوس ہے کہ انٹرنیشنل اسکواش فیڈریشن نے ملائیشیا سے ٹورنامنٹ کی میزبانی کا حق منسوخ کر دیا ہے۔
ذرائع کے مطابق ملائیشیا کے دارالحکومت کوالالمپورمیں عالمی اسکواش ٹورنامنٹ کی میزبانی کے موقع پر صیہونی ریاست اسرائیل کے کھلاڑیوں کو ویزے جاری کرنے کی مخالفت کی پاداش میں اولمپک فیڈریشن کی جانب سے ملائیشیا کی میزبانی کو منسوخ کر دیا گیا ہے جس پر اسلامی تحریک مزاحمت حماس نے افسوس کا اظہار کرتے ہوئے کہا ہے کہ یہ عالمی سطح پر صیہونی مجرموں کی حمایت کی علامت ہے۔
حماس نے صیہونی وفود کے بغیر ٹورنامنٹ اور دیگر بین الاقوامی مقابلوں کی میزبانی کا حق حاصل کرنے میں ملائیشیا کے ساتھ تحریک کی یکجہتی پر زور دیا اور کہا کہ اسے اس بات پر افسوس ہے کہ انٹرنیشنل اسکواش فیڈریشن نے ملائیشیا سے ٹورنامنٹ کی میزبانی کا حق منسوخ کر دیا ہے۔
تحریک حماس نے صیہونی حکومت کے ساتھ تعلقات کو معمول پر لانے کی ملائیشیا کی مخالفت اور صیہونی اسکواش کھلاڑیوں کےاپنے ملک میں داخلے کی مخالفت کا خیر مقدم کیااور ملائیشیا کے اس اقدام کو جرات مندانہ اقدام قرار دیا ہےاور ملائیشیا کے بادشاہ، حکومت اور عوام کے صیہونی حکومت کے ساتھ ہر طرح کےتعلقات معمول پرلانے کی مخالفت کرنے کے تاریخی عزم کو سراہتے ہوئے ان کےفلسطینیوں کے حق میں اپنے مؤقف پر آئندہ بھی قائم رہنے کی خواہشات کا اظہار کیا ۔
حماس نے مزید کہا کہ صہیونی مجرمانہ حکومت کو بین الاقوامی میدانوں میں موجودگی کا کوئی حق نہیں بلکہ فلسطین پر ناجائز قبضے کے جرم میں اسےعالمی عدالت میں اپنے جرائم کے لیے جوابدہ ہونا چاہیے اور تمام شعبوں میں اس پر مقدمہ چلایا جانا چاہیے۔