(روزنامہ قدس ۔آن لائن خبر رساں ادارہ) قابض فورسز نے فلسطینیوں کو نقصان پہنچانےوالے صہیونی انتہا پسندوں کی حوصلہ افزائی کی جبکہ ایتمار بن گویر نےالشیخ جراح میں سالم خاندان کی زمین پر بنائے گئے اپنے دفتر ی خیمہ کا جائزہ لیا۔
ذرائع کے مطابق گذشتہ روز مقبوضہ بیت المقدس میں صہیونی انتہاپسند رکن کنیسٹ ایتمار بن گویر کی سربراہی میں شر پسند عناصر الشیخ جراح پر دھاوا دیا، اس دوران انہیں صہیونی پولیس اور فوج نے بھرپور تحفظ فراہم کیا اور قابض فورسز نے فلسطینیوں کو نقصان پہنچانے والے صہیونی انتہا پسندوں کی حوصلہ افزائی کی جبکہ ایتمار بن گویر نے محلے کے مغربی حصے میں سالم خاندان کی زمین پر بنائے گئے اپنے دفتر ی خیمہ کا جائزہ لیا۔
واضح رہے کہ 3 روز قبل اسرائیلی اخبار ہارٹز نے بھی فلسطینی خاندان کی املاک پر مسلح آبادکارگروہ کے ناجائز قبضے کا انکشاف کیا تھا جس کا نام انہوں نے 10 ماہ قبل غزہ کی سرحد پر مارے جانے والے فوجی ’بارئیل شموئیل‘ کے نام پر رکھ کر اس کی یاد گار قائم کردی ہے۔