(روز نامہ قدس ۔آنلائن خبر رساں ادارہ ) یورپی انسانی حقوق کی تنظیم نےاقوام متحدہ سے فلسطوتیاں کے ساتھ ہونے والے نسل پرستی پر مبنی اسرائیلی برتاؤ کو روکنے کے لیے مؤثر طریقے سے اقدامات اٹھانے کی ضرورت پر زور دیا ہے۔
یورپی رائٹس آبزرویٹری نے ہیومن رائٹس کونسل کے 46 ویں اجلاس کے دوران صیہونی ریاست اسرائیل کی فلسطینیوں کے خلاف نسل پرستی، نسلی امتیازی سلوک اور زینو فوبیا سے متعلق نویں آئٹم پر گفتگو کے دوران "جووہ” تنظیم (جی آئی ڈبلو ای ایچ) کے ساتھ مشترکہ رپورٹ میں اقوام متحدہ سے قابض صیہونی ریاست "اسرائیل” کے فلسطینیوں کے ساتھ نسلی امتیازی سلوک کے خلاف کارروائی کرنے اور عدم مساوات اورتفریق سے متعلق متعلقہ بین الاقوامی قوانین کا احترام کرنے کا مطالبہ کرتے ہوئے کہا ہے کہ اسرائیل فلسطینیوں کے خلاف کھلے عام نسلی امتیاز کے ساتھ انتقامی کارروائیاں کررہا ہے جس کے خلاف موثر آواز اٹھانے کی ضرورت ہے۔