علماء رابطہ کمیٹی فلسطین نے ظالم اور سرکش مصری حکومت سے نجات حاصل کرنے پر مصری قوم کو مبارکباد پیش کرتے ہوئے نئی فوجی حکومت سے غزہ کا محاصرہ ختم کروانے کا مطالبہ کیا ہے۔ ہفتے کے روز علماء رابطہ کمیٹی کے جاری کردہ بیان میں کہا گیا ہے کہ فلسطینی علماء نے گزشتہ دنوں اپنے مصری بھائیوں کا بھرپور ساتھ دیا ہے۔ فلسطینی علماء، سیاستدان، شیوخ اور خواتین مصری قوم کے ساتھ کھڑے رہے بالاخر اللہ نے قوم کو ظالم حکومت سے نجات عطا فرما دی۔ علماء نے مصر میں نئی حکومت سے غزہ کے متعلق مصری پالیسی پر نظر ثانی کرنے اور غزہ کا محاصرہ ختم کرنے کی اپیل کی۔ علماء کا کہنا تھا ’’ہمارا، مصر اور ساری عرب اور اسلامی دنیا کا مشترکہ اور واحد دشمن اسرائیل ہے‘‘