مقبوضہ کشمیر میں ایک اور بھارتی فوجی جہنم واصل

(روز نامہ قدس ۔آنلائن خبر رساں ادارہ ) بھارتی پولیس اہلکار نے بتایا کہ پراوین کمار نے اپنے کیمپ میں سروس رائفل سے خود کو گولی مار کر ہلاک کرلیا  جس کی تحقیقات کیلئے مقدمہ درج کر لیا گیا ہے۔

ذرائع کے مطابق گذشتہ روز مقبوضہ کشمیر کے ضلع بارہمولہ میں کشمیریوں پر ظلم کے پہاڑ توڑنے والےایک اور بھارتی فوجی پراوین کمار نے خودکشی کر لی۔

واقعے کی تصدیق کرتے ہوئے پولیس اہلکار نے بتایا کہ پراوین کمار نے اپنے کیمپ میں سروس رائفل سے خود کو گولی مار کر ہلاک کرلیا  جس کی تحقیقات کیلئے مقدمہ درج کر لیا گیا ہے۔

جنوری 2007 سے اب تک مقبوضہ کشمیر میں تعینات  502فوجی اور پولیس اہلکار  ذہنی دباؤ کے باعث نے خود کشیاں کر چکے ہیں۔

واضح رہے کہ جنوری 1989سے اب تک بھارتی قابض فوجیں 95ہزار 776بے گناہ کشمیریوں کو شہید کر چکی ہیں جبکہ 11ہزار 240 خواتین سے اجتماعی عصمت دری کے واقعات ہوئے اس کے علاوہ صرف گزشتہ ماہ کے دورا ن 18بے گناہ کشمیریوں کو شہید کیا گیا ، 64کو تشدد کا نشانہ بنایا گیا ، 92افراد کی گرفتاریاں کی گئیں جبکہ چار خواتین کی عصمت دری کی گئی۔