مصر میں صدر حسنی مبارک کےخلاف جاری عوامی احتجاج کے بعد متنازعہ فلسطینی صدر محمود عباس اور اسرائیلی وزیراعظم بنجمن نیتن یاھو کےدرمیان رابطوں کا انکشاف ہوا ہے. رام اللہ میں فلسطینی اتھارٹی کےذرائع نے مرکزاطلاعات فلسطین کو بتایا ہے کہ محمود عباس اور نیتن یاھو کے درمیان حال ہی میں ٹیلیفون پر بات چیت ہوئی. دوطرفہ بات چیت کے دوران دونوں رہ نماٶں کے راست مذاکرات دوبارہ شروع کرنے کی ضرورت پر زور دیا. ذرائع نے بتایا ہے کہ اسرائیلی وزیراعظم نے فلسطینی صدرپر زور دیا کہ وہ اتھارٹی کے زیرانتظام علاقوں میں اسرائیل کےخلاف کسی قسم کے عوامی احتجاج کو سختی سے دبائیں تا کہ عوامی بغاوت کے ممکنہ خدشات کو بروقت روکا جا سکے. ذرائع کا کہناہے کہ دونوں رہنماٶں نے خفیہ ٹیلیفونک رابطے میں نہ صرف بات چیت کی بحالی کی اہمیت کو تسلیم کیا بلکہ جلد مذاکرات کرنے پر رضامندی ظاہر کی. مرکز اطلاعات فلسطین کو ملنے والی خبروں سے پتہ چلا ہے کہ صدر محمود عباس اسرائیلی وزیراعظم بنجمن نیتن یاھو کے ساتھ راست مذاکرات دوبارہ شروع کرنے کے لیے تیار ہیں