(روز نامہ قدس ۔آنلائن خبر رساں ادارہ) صیہونی فوج کی جانب سے جاری کردہ بیان میں چاروں اہلکاروں کی موت کی تصدیق کرتے ہوئے بتایا گیا ہے کہ ہلاک ہونے والے فوجیوں میں ایک کیپٹن اور 3 اسٹاف سارجنٹ شامل ہیں۔
صیہونی فوج نے مزید بتایا کہ جھڑپوں میں اسرائیلی فوج کا ایک افسر شدید زخمی بھی ہوا ہے۔اسرائیلی میڈیا کے مطابق ہلاک فوجی اسرائیلی فوج کے ’گھوسٹ یونٹ‘ کا حصہ تھے اور فوج کی جانب سے ان کی ہلاکت کے حوالےسے تحقیقات کی جارہی ہیں۔اسرائیلی فوج کے مطابق گزشتہ ایک سال سے جاری جنگ میں مجموعی طور پر 766 اسرائیلی فوجی ہلاک ہوچکے ہیں۔