(روز نامہ قدس ۔آنلائن خبر رساں ادارہ ) قابض اسرائیلی نیوی بھی فلسطینیوں کے خلاف کھلی بربریت پراتر آئی، نیوی اہلکاروں نے کھلے سمندر میں حصول روزگار کے لیے اپنی جان خطرے میں ڈال کر جانے والے ماہی گیروں پر اندھادھند فائرنگ کردی، فائرنگ میں تیرا سالہ فلسطینی بچہ عبداللہ مفلح شدید زخمی ہو گیا۔
تفصیلات کے مطابق آج صبح صہیونی نیوی نےفلسطینی ماہی گیروں پر اس وقت اندھا دھند فائرنگ کردی جب وہ حصول روزگار کیلئے اسرائیل کی جانب سے متعین ساحلی علاقے میں مچھلی کے شکار میں مصروف تھے، اسرائیلی نیوی کی فائرنگ سے کے نتیجے میں غزہ کا رہائشی تیرا سالہ عبداللہ مفلح شدید زخمی ہوگیا، زخمی ماہی گیرکو فوری طور الشفاء اسپتال منتقل کیا گیا تاہم اسکی حالت تشویشناک بتائی جارہی ہے۔
واضح رہے کہ گزشتہ تیرا سالوں سے صیہونی فوج نے مقبوضہ فلسطین کے شہرغزہ کی بحری، فضائی اور بری ناکہ بندی کی ہوئی ہے جس کے تحت نا کوئی غزہ میں آزادانہ داخل ہوسکتا ہے اور نا باہر جاسکتا ہے حتیٰ کہ اسرائلی ناکہ بندی کے باعث غزہ میں خوراک اور ادویات کی شدید قلت ہے اور اقوام متحدہ اور دیگر انسانی حقوق کی تنظیموں کی جانب سے اسرائیلی مظالم کے خلاف احتجاجوں کے باوجود اسرائیل کی جانب سے غزہ کے محاصرے کو ختم نہیں کیا جارہا ہے۔