(روز نامہ قدس ۔آنلائن خبر رساں ادارہ )جھڑپیں اس وقت شروع ہوئیں جب صیہونی فوج نے فلسطینی آبادی میں تلاشی کے نام پر روایتی لوٹ مار اور رہائشیوں کو تشدد کا نشانہ بنایا ، فلسطینی نوجوانوں نے قابض فوج پر گھریلوں ساختہ بوتل بم اور پتھراؤ کیا جس سے دو صیہونی فوجیوں کے زخمی ہونے کی اطلاعات ہیں۔
تفصیلات کے مطابق مقبوضہ فلسطین کے جنوبی شہر الخلیل میں بیت امر کے علاقے عصیدہ کے مقام پر فلسطینیوں اور صیہونی فوج میں اس وقت تصادم ہوا جب قابض فوج نے تلاشی کے نام پر شہریوں کے گھروں میں روایتی لوٹ مار اور مکینوں کو تشدد کا نشانہ بنایا ۔
ردعمل میں قابض فوج نے فلسطینی مظاہرین پر بھاری مقدار میں آنسو گیس اور براہ راست ربڑ کی گولیوں کا استعمال کیا جس کی زد میں آکر کم سےکم 8 فلسطینیو نوجوانوں کے زخمی ہونے کی اطلاع ہے جبکہ گھریلوساختہ پیٹرول بم اور پتھراؤ سے دوصیہونی فوجیوں کے زخمی ہونے کی بھی اطلاع ہے۔
واضح رہے کہ قابض صیہونی فوج طاقت کے بے دریغ استعمال سے نہتے فلسطینی شہریوں کو بیت امر سے بے دخل کرنے کیلئے غیر قانونی اور انتقامی حربوں کااستعمال کررہی ہے ، صیہونی حکومت بیت امر کی 30 فی صد اراضی پر پہلے دو غیر قانونی صیہونی آبادیوں غوش عتصیون اورافرات قائم کر چکی ہے۔اسرائیلی فوج نے بیت امر کے فلسطینیوں پرعرصہ حیات تنگ کرنے کے لیے اس کے داخلی راستے پر ایک فوجی چوکی اور ایک کنٹرول ٹاور قائم کر رکھا ہے۔