(روز نامہ قدس ۔آنلائن خبر رساں ادارہ )قابض صہیونی فو ج کی جانب سے فلسطینی شہریوں کو اغوا کیے جانے کا سلسلہ جاری،گزشتہ روز اتو ار کو مختلف علاقوں سے 5 فلسطینی شہری اغوا کر لیے۔
تفصیلات کے مطابق اتوار کی صبح مغربی کنارے کے مختلف علاقوں میں اسرائیلی فوج نے چھاپہ مار کارروائیاں کی جن میں پانچ فلسطینی نوجوانوں کو اغوا کر کے نامعلوم مقام منتقل کر دیا گیا۔
فلسطینی پولیس کے مطابق یہ کارروائی بیت الحم کے علاقے میں پیش آئی جہاں سے احمد اور منذرلتعمرہ نام کے نوجوانوں کو اغوا کیا گیا جب کہ الخلیل میں اسرائیلی فوج نے عبدالرحمن نامی شہری کو اسکے گھر سے اغوا کیا۔
شین بیت کے علاقے سے بھی ایک شہری کو صیہونی فوج کی جانب سے اسرائیلی تفتیشی مرکز میں پیش ہونے کا حکم جاری کیا گیا۔
جب کہ صہیونی فوج نے ایک نوجوان عمر ابو الرب کو جنین کے قریب جلبون گاوں سے اغوا کیا۔