(روزنامہ قدس آنلائن خبر رساں ادارہ ) القد س یونیورسٹی کے شعبہ برائے قانون کا یوم یکجہتی برائے متاثرین تشدد کے موقع پر انسانی حقوق کمیشن کے تعاون سے اہم اجلاس منعقد ہوا۔
تفصیلات کے مطابق عالمی یوم برائے متاثرین تشدد کے موقع پر القدس یونیورسٹی کے شعبہ قانون کے تحت اہم قانونی اجلاس کا انعقاد ہوا،جس میں کمیشن برائے انسانی حقوق کے نمائندے بھی شریک ہوئے۔ ذرائع کے مطابق اجلاس میں اسرائیلی جیلوں میں قید اور اسرائیلی مظالم کا سامنا کرنے والے فلسطینیوں کو درپیش قانونی مسائل کے حوالے سے اہم امور پر تبادلہ خیال کیا گیا۔
یونیورسٹی کے شعبہ برائے قانون کے سربراہ محمد خلفہ علی عمل جو کہ فلسطینی سول سوسائٹی کے ساتھ سماجی رابطوں اور بات چیت کے لیے مشہور ہیں، نے کہا کہ اس قسم کے اجلاس فلسطینی عوام کے بنیادی انسانی حقوق کی وصولیابی کے لیے اہم کردار ادا کریں گے۔
عوامی مفاد عامہ سے متعلق قانونی شعبہ کے سربراہ نجاح دقماق نے یونیورسٹیوں کے عوامی شعور ابھارنے سے متعلق کردار کو سراہا،انہوں نے کہا کہ اس بات کو بھی پھیلانے کی ضرورت ہے کہ دنیا بھر میں موجود تشدد کے انسداد کے لیے بنائے گئے قوانین کا جائزہ لیے ہوئے مقامی قوانین میں موجود سقم دور کیے جائیں۔ دیگر مقررین نے بھی اجلاس سے خطاب کرتے ہوئے کہا کہ تشدد کے معاملے پر ہنگامی بنیادوں پر کام کرنے کی ضرورت ہے،اور اس سنگین معاملے پر عالمی برادری کو فوری متوجہ کرنے کے ضرورت ہے کیوں کہ فلسطینیوں کا خون بھی اتنا ہی مقدس ہے جتنا دنیا میں موجود باقی اقوام کا اہم ہے۔