(روز نامہ قدس ۔آنلائن خبر رساں ادارہ) غزہ پر اسرائیلی دہشتگردی کوآج393 دن مکمل ہوگئے ۔عالمی برادری کی خاموشی اور اسرائیلی ہٹ دھرمی سے غزہ ہرگزرتے دن شہداء کی تعداد میں غیر معمولی اضافہ ہورہا ہے۔
فلسطینی وزارت صحت کی رپورٹ کےمطابق اسرائیلی فوج نے غزہ کے شمالی علاقے پرچار ہفتوں سے بدترین محاصرے کے دوران وحشیانہ بمباری کا سلسلہ جاری رکھا ہوا ہے جس کے نتیجےمیں گذشتہ چوبیس گھنٹوں کے دوان 50 سے زائد بچوں سمیت مزید84 فلسطینی شہید ہوگئے جبکہ درجنوں تاحال تباہ شدہ عمارات کےملبے تلے دبے ہوئے ہیں ۔