فلسطینی وزیر تعلیم ڈاکٹر محمد عسقول کا کہنا ہے کہ ریلیف ایجنسی کو فلسطینی اسکولوں میں ہولو کاسٹ کی تدریس کی کسی صورت اجازت نہیں دی جا سکتی۔ انہوں نے ایجنسی کے ترجمان سامی مشعشع کی جانب سے انسانی حقوق کے ضمن میں ہولو کاسٹ کی تعلیم کے اعلان کو انتہائی خطرناک قرار دیا۔ عسقول نے زور دے کر کہا کہ غزہ کی پٹی کے تعلیمی امور سے کھیل کرنا انتہائی خطرناک ہے جس سے کسی صورت لاپرواہی نہیں برتی جا سکتی۔ ان کا مزید کہنا تھا اپنے موقف پر ثابت قدم رہنے کے لیے قوم کی جانب سے خون کا نذرانہ دیا گیا ہے جو انتہائی قیمتی ہے اسے ضائع نہیں ہونے دیا جائے گا۔ انہوں نے یہ باتیں یونیورسٹی اور کالجز کے طلبہ میں وظائف کی تقسیم کی ایک تقریب کے دوران خطاب کرتے ہوئے کیں، اس تقریب کا اہتمام شیخ عید خیراتی ادارے کے تعاون سے اسلامک یونیورسٹی کے طلبہ دوستوں نے کیا تھا۔