مقبوضہ بیت المقدس (روز نامہ قدس ۔آن لائن خبر رساں ادارہ) فلسطین کے مقبوضہ بیت المقدس میں فلسطینی نوجوانوں کی طرف سے پتھراؤ کے نتیجے میں اسرائیلی بس ڈرائیور شدید زخمی ہوگیا۔
روز نامہ قدس کو موصول ہونے والی اطلاعات کے مطابق عبرانی اخبار ’’یدیعوت احرونوت‘‘ کی رپورٹ میں بتایا ہے کہ فلسطینیوں کی سنگ باری کے نتیجے میں اسرائیل کا ایک بس ڈرئیور زخمی ہوگیا۔ پتھر لگنے سے زخمی ہونے والے ڈرائیور کو اسپتال منتقل کردیا گیا ہے۔
خیال رہے کہ اسرائیلی فوج اورپولیس نے بیت المقدس میں فلسطینیوں پر سنگ باری پر سخت ترین پابندیاں عائد کر رکھی ہیں تاہم اس کے باوجود فلسطینی نوجوان اسرائیلی فوجیوں اور صیہونی آباد کاروں پر سنگ باری کرنے میں کامیاب ہوجاتے ہیں۔