مقبوضہ بیت المقدس (روز نامہ قدس ۔آن لائن خبر رساں ادارہ) اسرائیل کی ایک مجسٹریٹ عدالت کے حکم پر بزرگ فلسطینی رہنما الشیخ رائد صلاح کو کفر قنا سے ام الفحم میں ان کی رہائش گاہ پرمنتقل کرنے کے بعد گھر پر نظر بند کر دیا گیا ہے۔
روز نامہ قدس کو موصول ہونے والی اطلاعات کے مطابق الشیخ رائد صلاح کو ڈیڑھ سال تک اسرائیلی زندانوں قید رکھنے کے بعد کچھ عرصہ پیشتر رہا کر کے کفر کنا کے مقام پر ایک گھر میں نظربند کر دیا تھا۔
اسرائیلی جیل کے سپرنٹنڈنٹ نے گذشتہ جمعرات کو ام الفحم میں موجود الشیخ رائد صلاح کی رہائش گاہ کا جائزہ لیا جس کے بعد اسرائیلی حکام نے انہیں کفر کنا سے ام الفحم میں ان کی رہائش گاہ پر منتقل کردیا تھا۔
الشیخ رائد صلاح کے وکیل خالد زبارقہ نے بتایا کہ ان کے موکل کو اسرائیلی حکام نے سخت شرائط کے تحت کفر کنا سے ان کی ام الفحم میں موجود رہائش گاہ پر منتقل کر دیا گیا ہے۔ انہیں سوشل میڈیا استعمال کرنے، قریبی مسجد میں نماز کی ادائیگی اور عوام سے ملاقاتوں پر پابندی عائد کی گئی ہے۔