اردن حکومت نے تمام متعلقہ اداروں کو ہدایت کی ہے کہ وہ اسرائیل کی تیارکردہ مصنوعات کی درآمدات و برآمدات پر پابندی عائد کرتے ہوئے اسرائیلی مصنوعات کےاپنے ملک میں داخلے کو روک دیں. اردن کے ایک قومی اخبار” العرب الیوم” نے اپنی ایک تازہ رپورٹ میں تبایا ہے کہ حکومت نے اسرائیلی کمپنیوں اور مصنوعات کی ایک فہرست تیار کی ہے اور کہا ہے کہ یہ تمام کمپنیاں مقبوضہ فلسطین کےان علاقوں میں کام کر رہی ہیں جو متنازعہ ہیں اور فلسطینی شہریوں میں قائم یہودی کالونیوں میں اشیاء تیارکر رہی ہیں. لہٰذا ان کمپنیوں اور ان کی تمام مصنوعات کو اردنی مارکیٹ میں رسائی سے روکا جائے. درایں اثناء اردنی وزیرتجارت ھانی الملقی نے کسٹم حکام کوہدایت کی ہے کہ وہ اسرائیلی مصنوعات کے اپنے ملک میں داخلے کی روک تھام کے لیے تمام ممکنہ اقدامات کریں. وزیر تجارت کی جانب سےجاری ایک بیان میں کہا گیا ہے کہ ان کی تیارکردہ فہرست کے مطابق مقبوضہ فلسطینی شہروں میں اسرائیل کی 220 کمپنیاں مختلف نوعیت کی مصنوعات تیار کرتی ہیں. یہ تمام کمپنیاں متنازعہ مقامات پر لگائی گئی ہیں جب تک فلسطینی انتظامیہ اور اسرائیل کےدرمیا ن یہودی بستیوں کا تنازعہ موجود ہے تب تک ان کمپنیوں کی اشیاء کو استعمال میں لانے کی اجازت نہیں دی جائے گی